Drama Bali Modern Singkat ''Salah Tampi"

SALAH TAMPI

Pragina :
1. Putri
2. Putra


        Sawetara jam 1 mulih uling sekolah Putra nugtugin Putri uling dori krana Putri uling semengan ngambres-ngambres cara anak ngambul, Lantas Putra nambakin aji limane apanga Putri tusing bise liwat.
Putra  : Mareren malu kejep. Trik! Bli ada omongan abedik.
            (sambilanga mentangang limane maka dadua, apang Putri tusing bisa liwat)
Putri   : Huhhh.. magedi bli (sambilanga nampesang lima). Tiang tusing perlu ngomong
            buin ajak bli Putra! Selegang suba ngoyong ditu!
Putra  : Trik... bli ngidih pelih. Yen saja bli pelih! orang jani ape sujatine ane ngranang
            putri cara kene ajak bli.?
Putri   : Eda biin bli nerangang apa-apa ken tiang, wireh suba sekala tiang nepukin bli....
            ditu... ma.. ma,,, ahhh tusing perlu biin tiang nyelasang apa-apa. (nyebeng)
Putra  : Nepukin bli ngudiang trik? Nepukin ngenken? bli sing ngerti. Apa ane
            ngranayang putri buka kene ajak bli, jeg galak, ngambres, gedeg?!
            Inguh bli kene trik. Bli bingung ajak trik ane kene..
Putri   : Ooooo... Bli sing ngerti? Nah jani lakar terangang tiang apang bli tawang...
            apang bli inget ajak kesalahan bli ne ento... huhhhh
Putra  : Nah, bli lakar ningehang, nang tegarang jani apang bli nawang apa pelih bli ne
           ajak putri..???
Putri   : Bli putra. Tiang gedeg tekening bli sawireh dibi sanja tiang nepukin bli putra
            ngandeng cewek nganggo motor bli ne, jeg cewek ento aeng seksi ne,
            mabaju ketat, maclana  bawak, misi ngelut bangkiang bli ne aeng mesra ne.
            engken bli,,, suba bli ngerti? suba inget ajak bikas bli di sisi? (masebeng galak)
Putra  : (Tonden pragat Putri masatua, saget Putra kedek ngakak) Oooo, unduke
            ento ane ngranang Putri gedeg teken bli? aiiss tuangan tiange cemburu?
            kikikikikiki aduhhh demen pesan bli nepukin Putri gedeg misi cemburu.
            jeg nyak nyegengang muane misi sebeng cara keto..
Putri   : Yehhh ngudiang bli kedek, ada ne lucu? nak saja tiang nak luh cemburuan.
           Nyen sing cemburu nepukin tuanganne ngajak cewek lenan? jeg magandeng,
           magelut bangkiang aeng tekek ne! nyen sing cemburu nepukin? Dang tegarang
           amun tiang ane keto tepukin bli, ape bli sing cemburu hahhhh??
           (masebeng galak)
Putra  : Hehehe cemburu je masehh,, sawireh kene ento tuah.
(Konden pragat Putra nyelasang jeg saget Putri nyrocos)
Putri   : Apa kene...?? hahhh.. jeg tusing perli bli nyelasang apa-apa biin.. tiang suba
            nepukin dengan mata kepala tiang sendiri. Pokok ne mulai jani raga ajak dua
            pegat, tusing ada hubungan apa-apa biin, silahkan bli urus diri bli dan orang itu.
           huuhh tiang sing kel peduli buin ngajak bli,.
Putra  : Trikk... da malu keto mesuang raos, da nganggo basang bawak mesuang
            keputusan, baang malu bli nyelasin unduke ento ajak putri, amun suba bli
            nyelasin miwah buktiin mara ja Putri dadi mesuang keputusan ane beneh,.
            Bli demen nepukin Putri cemburu cara kene, berarti putri tresna ajak bli,
            nanging pang putri nawang, mula saja bli dibi peteng maan ngandeng anak luh,
            ma baju ketat, maclana bawak misi ngelut bangkiang bli ne, nanging ento tusing
            nak len di hidup bli trik, to tuah adi misan bli ne ane pidan makelo nenggil
           di semarang, kaden bli taen cerita ajak putri bli ngelah misan ane transmigrasi
           ke semarang, to suba misan bli ne tri, ye nak tusing bani negakin montor biasane
           negakin mobil dogen tohh,, mara ajak pesu meli nasi be guling nganggon montor
           jeg nyeh, makane bli ngorin ngisi bangkiang bli ne, Amun Putri ing Percaya mai jani
           ka umah bli ne, jani mumpung ada misan bli ne ento, apang bisa putri makenalan ajak
           misan bli ne ento. Engken?? nu sing percaya ajak bli? bli nak sayang ngajak putri,
           bli tusing ja bani nyakitin atin putri, Mani-mani da malu sagrep mesuang raos pegat tri,
           sebet atin bli ne, da olah aluh salah tampi tekening bli, da san putri ragu ajak tresnan
           bli ne. (sambil makenyem)
Putri  : (Prajani makenyem) Ahhh saja to bli? sing ja bli nguluk-nguluk kan? tiang inget pidan
           bli ngorang ngelah nyama di semarang, to yee anak ne bli?
Putra  : Saja dek, to suba misan bli ane bli satuayang teken putri ugas ne, ye mara dibi semeng
            teka. mai jani ka umah bli mlali sambil kenalain bli ajak misan bli ne.
Putri   : ngihh bli tiang mangkin sampun percaya, tiang nunas ampura sampun salah tampi sareng
           bli putra, tiang maseh pelih sampun mesuang raos sane tidong-tidong, sawireh wawu
           basang tiange panes bli, hehehe.. ngih bli mangkin ngiring raga ka umah bli ne mlali
           sambil makenalan ajak misan bli ne ento. (makenyem sambil ngandeng liman Putrane)
Putra  : nahh keto nae mani-mani da salah tampi biin ajak bli, bli nak tresna ajak Putri,.
Putri   : ngihh bli
Makadadua majalan ka parkiran ngalih montorne lakar mulih ka umah putrane.

                                                (PUPUT)

Olih : Dayu Rhiya (Pariamantari)



Semeton tiang sareng sami nika drama wantah inspirasi tiang kemanten, yening wenten kesamaan nama, tempat miwah cerita, tiang nunas sinampura. ^_^v
Niki tiang wenten pesan kidik sareng semeton sareng sami, yening iraga madue hubungan sareng anak tiosan, mangda hubungan punika awet, iraga nenten dados makta basang bawak yening wenten masalah, iraga patutnyane mirengin penjelasan saking pasangan iraga yening wenten masalah sane menggangu. Iraga maseh sampunang olah aluh salah tampi sareng anak tiosan, krana yening iraga salah tampi lan nenten nyak mirengin baos anak sane lenan, iraga akan kena sengkala miwah iraga lakar nyesel ring rahina benjangan..
hehehhe ampura bahasa tiang kari gado-gado,,, hehe