Puisi Bali Anyar

SEKOLAH

Ritatkala Sang Hyang Surya metangi

Ring genahe bedangin

Nyuryanun dina sane mangkin

Nyarengin titiang ka sekolah ring margi

Bel sekolah sampun memunyi

Tri Sandhya dados pengawit

Melajah Basa Bali

Ring SMK Negeri 1 Sukawati

Olih : I Wayan Rama Putra

(X TKJ) (SMK N 1 SUKAWATI thn ajaran 2016/2017)

Puisi Bali Anyar

SEKAR CEMPAKA

Wenten sekar luih yukti
Wastan ipun sekar cempaka
Sane kuning sakadi emas
Sane putih miikne ngalub

Semeton sareng sinamian
Ngiring mangkin sikiang kayune
Nandur lan miara cempaka
Mangda kantun asri lan lestari

Dumadak Sueca Sang Hyang Widhi
Jagad Bali Santi Jagad Hita

Olih : I Gede Restu Santika
(X TKJ) (SMK N 1 SUKAWATI thn ajaran 2016/2017)

Puisi Bali Anyar

CARIK

Tis penyingakan tiang nyingakin
Pantun gadang ngranang hatine liang
Angin saling keberin
Kedis saling sautin


Toya ngericik mawinan keheningan
Wong tani nongos ring kubu
Ritatkala masandekan sambilan matembang
Anggen ngengsapang pikobet sane ade ring ati.

Olih : I Wayan Dodi Pratama
(X TKJ) (SMK N 1 SUKAWATI thn ajaran 2016/2017)

Puisi Bali Anyar

Guru Pengajian

Guru sane ngajahin titiang ngitung
Guru sane ngajahin titiang mamaca
Sane ngajahin titiang tata krama
Sane ngicenin tiang kawagedan


Guru sane nenten taen emed ngajahin tiang
Sekadi sunar matan ai
Sane nyunarin pajalan titiang
Dados jadma sane maguna

Olih : I Gede Pebrianta
     (X TKJ) (SMK N 1 SUKAWATI thn ajaran 2016/2017)

Puisi Bali Anyar

ULING PENARUNGAN

Uli dauh tiang nganginang

Ngalih ilmu neked di Batubulan

Ngelawan sunar sang surya

Diastun ulap ka rasa di mata

Jani engsek rasa di hati

Masuk terlambat teka tengai

Ulian makelo tiang ring margi

Naenang ulap sang matan ai

Olih : I Kadek Krisna Setiawan

           (X DPIL) (SMK N 1 SUKAWATI thn ajaran 2016/2017)

Puisi Bali Anyar "Enggung"

Enggung

Ritatkala hujan bales
Gumine serasa peteng dedet
Angine ngelinus baret ngerebet
Punyan-punyane pada ngigel

Di tengah carike
Pade ngetengkung munyin enggunge
Munyine rame saling sautin
Nika maciri gumi Baline Asri


Olih : I Wyn Andika Putra
           (X MM2 SMKN 1 SUKAWATI thn ajaran 2015/2016)